100% stilling som leiar for prosjekt og eigedom i Ullensvang kommune

Leiar for Prosjekt og Eigedom

Ullensvang kommune 

- ein livskraftig og attraktiv kommune i Hardanger

Vil du leie framtidas prosjekt- og eigedomsavdeling midt i hjarta av Hardanger?

Ullensvang kommune riggar seg for framtida! Me slår saman avdelingane for prosjekt og eigedom for å skapa ein meir heilskapleg organisasjon. Me søkjer no ein trygg og visjonær leiar som vil ha det overordna ansvaret for investeringsportefølje, forvaltning og utvikling av kommunen sin eigedomsmasse.

Om rolla og avdelinga

Som leiar for den nye eininga vil du ha personalansvar for om lag 10 dyktige medarbeidarar med ulik fagbakgrunn – frå prosjektleiarar til rådgivarar. Hovudmålet ditt vert å sikra at me forvaltar verdiane våre på ein berekraftig måte, samstundes som me gjennomfører ambisiøse byggeprosjekt innan nybygg og rehabilitering, veg, park, VA-anlegg, flaum- og rassikring mm. 

Sentrale arbeidsoppgåver

• Strategisk leiing: Leie og vidareutvikle ei nyoppretta avdeling, og byggja ein felles kultur på tvers av eigedomsdrift og prosjektutvikling.

• Eigedomsforvaltning: Eigar- og forvaltaransvar for den kommunale eigedomsporteføljen og strategisk eigedomsutvikling.

• Utvikle nye prosjekt: Prosjektutvikling vil vera ein del av jobben.

• Prosjektstyring: Overordna ansvar for kommunen si investeringsportefølje og gjennomføring av større byggeprosjekt, inkludert utvikling av avdelinga.

• Økonomi og planlegging: Økonomi- og budsjettansvar, og rapportering til politisk og administrativ leiing.

• HMS og internkontroll: Sikra at alle bygg og anlegg stettar krav til tryggleik og arbeidsmiljø.

• Forsikring: Hovedansvar for forsikringar og oppfylging av skader.

• Køyretøyforvaltning: Hovedansvar for bil- og maskinparken.  

Andre arbeidsoppgåver kan bli lagt til stillingen.

Kvalifikasjonar

Me ser etter ein leiar som evnar å sjå dei lange linjene, men som også har blikk for den daglege drifta.

• Utdanning: Du har relevant utdanning på master- eller bachelornivå t.d. innan ingeniørfag, eigedomsforvaltning, prosjektleiing eller generell leiing. Relevant erfaring kan kompensere for manglende formell utdanning.  

• Erfaring: Du har erfaring frå leiing og gjerne kjennskap til både eigedomsdrift og prosjektleiing. Erfaring med offentlege anskaffingar er ei føremon.

• Leiarstil: Du er tydeleg, involverande og god til å byggja relasjonar. Du må trivast med å navigera i skjæringspunktet mellom fag, politikk og administrasjon. Du er framoverlent, beslutningsdyktig og ein gjennomførar.

• Språk: Du har god skriftleg og munnleg framstillingsevne på norsk. Nynorsk er skriftspråket i kommunen.

• Førerkort klasse B: Du må ha gyldig førerkort for personbil.

• Disponere eigen bil: Du må kunne benytte eige køyretøy i teneste.

• Gode digitale ferdigheter

Personlege eigenskapar

• Leiarstil- relasjonsleiing

• Kommunikasjon og samhandling - god på formidling

• Tydelig

• Strukturert og løysingsorientert

• Initiativrik og evne til å skape framdrift

• Sjølvstendig og ansvarsmedviten

• Beslutningsdyktig

Ved tilsetjing vert personlege eigenskapar vektlagt.

Kvifor jobba hos oss?

• Ei nøkkelrolle: Du får vera med på å forma ei heilt ny eining og påverka korleis Ullensvang kommune skal utvikla seg.

• Kompetansemiljø: Du vert leiar for ein gjeng med høg fagleg kompetanse, stoltheit og stor vilje til å levera gode tenester.

• Gode muligheter for støtte til vidareutdanning.

• Rekrutteringsleilighet: Det er moglegheit for å leige rekrutteringsleilighet.

• Fleksibilitet: Muligheter for heimekontor

• Hardanger på sitt beste: Ein variert kvardag i ein kommune som satsar offensivt, med naturen som inspirasjonskjelde rett utafor kontordøra. Store muligheter til å gå på toppturar.

Me skal gå frå å vera to avdelingar til å bli eitt lag som saman skal bidra til god og framtidsretta utvikling for Ullensvang kommune. 

Arbeidsstad er Odda.

Ønskjer ikkje kontakt med telefonselgarar i forhold til stillingsannonsa.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/