Ung jobb i skulefritidsordninga i Ullensvang kommune

Ung jobb i skulefritidsordning i Ullensvang kommune 2026! 

Er du mellom 13 - 17 år og vil tena dine eigne pengar? 

Frå 22. juni 2026 har skulefritidsordninga ledig jobb for deg! 

Her får du høve til å få jobberfaring, tena eigne lommepengar og utvikla viktige personlege eigenskapar. 

Årets sommerjobb i skulefritidsordninga er forbeholdt ungdom som bur i Ullensvang kommune.

Om arbeidsstaden: 

Skulefritidsordninga (SFO): 

Ullensvang kommune har 10 grunnskular. Ni skular har tilbod om SFO til barn frå 1.- 4. trinn, og barn med særskilte behov opp til 7. trinn. Skulane skal til ei kvar tid vera opptatt av å vera gode skular, der opplæringa er av høg kvalitet og der meistring, læringsglede og trivsel er sentralt. 

Ta kontakt med rektor om du har spørsmål om stillinga. 

Kontaktinformasjon og informasjon om dei ulike skulane våre 

Organisering i jobben: 

Inntil to veker, og mellom 4- 7 timar per dag. Det kan væra høve til å få avtale om arbeid etter skuletid og i skuleferiane elles gjennom året. 

Kompetanse: 

• Interesse for å gje omsorg til barn og leika med barn 

• Erfaringar frå barnehage og/eller skule frå eiga barnehage- og skuletid 

Kvalifikasjonar og personlege eigenskaper og aktuelle arbeidsoppgåver : 

• Evne til å væra ein god leikeressurs 

• Evne til å gje omsorg og hjelpa med påkledning, støtta barn ved måltid og i ryddesituasjonar i SFO. Evne til å hjelpa med praktisk arbeid som dekking av bord, rydding av leiker og utstyr inne og ute. 

Opplæring vert gjeven ved oppstart. Rettleiing og oppfølging vert gitt undervegs i arbeidssituasjonen. 

Krav: 

Samtykke frå føresette. Ungdom under 15 år må ha skriftleg samtykke frå føresette før dei startar opp i jobben.  

Arbeidstakar under 18 år vert orientert om kva teieplikt betyr og reglar om bruk av mobiltelefon i arbeidstid. Politiattest i samtykke med føresette. 

Det er viktig at du i søknaden skriv i kva for skulefritidsordning(skule)du søker til og aktuelle veker. Har du fleire val, må du prioritere dei i rekkjefølggje (1,2,3).

Løn:

Under 16 år: 80% av minsteløn jf. gjeldande Hovudtariffavtale. Kr. 162,87 pr time. Timelønna vert justert opp etter lønnsoppgjer pr 01.05.26. 

16- 18 år: 90% av minsteløn jf. gjeldande Hovudtariffavtale. Kr. 183,23 pr time. Timelønna vert justert opp etter lønnsoppgjer pr 01.05.26. 

De vil få svar på søknaden i veke 20, innan 15.05.26.

Til orientering om Offentleglova: 

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling. 

For å gjera unntak må kommunen ha heimel i lova og vurdera konkret i kvar sak kva som er grunnen til unntaket. 

I følgje offentleglova § 25 vert det stilt følgjande krav for å få unntak: 

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette. 

Arbeidsavtalar i Ullensvang kommune: 

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e- post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e-post i innboksen din, sjekk uønska e- post/søppelpost, eller fylge følgjande link: https://signering.posten.no/