Ledige faste helgestillingar som helsefagarbeidar / pleiemedarbeidar ved Omsorgstenesta aust, Kinsarvik

Ledig faste helgestillingar som helsefagarbeidar/pleiemedarbeidar - stillingsstorleik 14 % ( tredje kvar helg ) og 21 % ( anna kvar helg )

Arbeidsstad: Omsorgstenesta aust - Kinsarvik

Pleie og omsorg aust er stasjonert i Kinsarvik og er ei samordna teneste. Det vil seie at me driftar både sjukeheim , dagtilbod, kjøkken og heimetenester. På kjøkkenet lager me mat til pasientane på sjukeheimen og til pasientar som bur i heimen og ikkje klarer å lage mat sjølv.  

Personalet kan få oppgåver både på institusjonen og i heimetenesta. 

Sjukeheimen består av 18 plassar, der 2 er korttidsplasser. I heimetenesta yter me tenester til om lag 90 pasienter.

I Omsorgstenesta aust har me eit godt arbeidsmiljø , med eit fleirkulturelt miljø .

Tenestene me utfører er mange og ulike , så me har ein innhaldsrik og spennande arbeidskvardag .  Me er opptatt av at kvar enkelt pasient skal få gode tenester ,  tenester som er tilpassa kvar enkelt. 

No treng me ein helsefagarbeidar / pleiemedarbeidar med  på laget , som skal arbeide tett med, avdelingsleiarane og dei andre tilsette i tenesta. 

Dersom dette høyres interessant ut, håper me at du søkjer . Ta gjerne kontakt for ein uforpliktende prat.

God opplæring vert gitt . 

Arbeidsoppgåver:

• Legemiddelhåndtering

• Miljøarbeid

• Utføra helse - og omsorgsoppgåver etter fagleg standard og rettleia anna personale i faglege og etiske spørsmål . 

• Følgje opp eininga sine målsetjingar og yta tenester av god kvalitet innafor tildelte ressursrammer i samsvar med tenestemottakar sine vedtak

• Samarbeide og dela kompetanse på tvers av avdelingane 

• Halde seg fagleg oppdatert 

• Gjere seg kjent med og nytta kommunen sitt journalsystem ( Aidn)

• Sørgje for presis og utfyllande dokumentasjon

• Kjenne til og og bruka eininga sine prosedyrar og rutinar

Kvalifikasjonskrav:

• Autorisasjon som helsefagarbeidar, ufaglærte kan søkja

• Gode digitale ferdigheiter

Personlege eigenskapar:

• Gode samarbeidsevner

• Positiv og godt humør

• Engasjert 

• Fleksibel

• Punktlig og strukturert        

• Førarkort klasse B er ynskjeleg

Me tilbyr:

• Varierte arbeidsoppgåver

• Spennande arbeid 

• Lønn etter hovudtariffavtalen

• Gode moglegheiter for kompetanseheving med støtte frå kommunen

• Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.

• Ulike arbeidstidsordningar  - eksempelvis årsturnus og langvakter

• Helgekompensasjon

• Varierte arbeidsoppgåver

Krav:

• Politiattest jfr gjeldande lov

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.  

I følgje offentleglova § 25 vert det stilt følgjande krav for å få unntak: 

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/