100% stilling som fagleiar Røldal pleie og omsorg

Vil du være med og utvikla framtidas helsetenester i Røldal pleie og omsorg ?

Vi søkjer fagleiar til heimebaserte tenester 

 Vi har ledig ein variert og spennande 100% stilling som fagleiar ved Røldal pleie og omsorg

Stillingstype: 100% fast stilling

Stad: Røldal pleie og omsorg heimebaserte tenester

Om arbeidsplassen

Om arbeidsplassen

Røldal er fjellbygda i Ullensvang kommune.

Er du glad i friluftsliv og vinteraktivitet som alpint og langrenn, kan dette vere staden for deg.

Me treng fagleiar til heime tenestene i Røldal. Det er ca 20 årsverk i tenesta.

Tenesta har eit bukollektiv med 6 rom/brukarar , 10 omsorgsbustader, 2 tenester for funksjonshemma og heimebuande.

Me ønskjer at tenestemottakarane våre skal oppleve tryggleik, respekt og forutsigbarheit i tenesta me gjev. Samstundes ønskjer me at tenestemottakarane skal oppleve meistring og sjølvstende.

Me er her til det beste for brukarane våre.

Om stillinga

Heimebaserte tenester er i stadig utvikling og vi søkjer no etter ein engasjert og fagleg sterk sjukepleiar fagleiar til vår teneste. Du vil ha ei sentral rolle i det faglege arbeidet, sikra god kvalitet og vere ein god støttespelar for kollegaene dine.

Som fagleiar får du ei nøkkelrolle i å sikre god fagleg kvalitet, og bidra til vidareutvikling av tenestetilbodet vårt. Du vil samarbeide tett med verksemdsleiar, sjukepleiar,helsefagarbeidar og andre faggrupper, og være ein sentral ressurs i det tverrfaglege arbeidet.

Du vil også jobbe klinisk i heimetenesta og bidra til god pasientoppfølging

Stillinga er pr idag på dagtid 37,5t/v, men med atterhald at stillinga kan bli ein del av turnus med helg

Arbeidsoppgåver

• fagleg rettleiing av sjukepleiarar  og anna helsepersonell

• oppfølging av kollegaer

• bidra til utvikling og implementering av faglege rutinar og prosedyrer

• samhandling med pårørande og andre samarbeidspartnarar

• deltaking i tverrfaglege møte og fagutvikling

• ansvar for opplæring av nytilsette ,lærlingar og studentar/elevar

• klinisk arbeid i avdelinga

• oppfølging og kvalitetssikring og internkontroll

Kvalifikasjonar

• autorisasjon som sjukepleiar

• erfaring frå heimebaserte tenester er ein fordel

• vidareutdanning i geriatri, palliasjon og anna relevant fagområde 

• erfaring frå liknande arbeid eller leiarfunksjon er ønskt

• digitale ferdigheiter

• gode norskkunnskaper,både munnleg og skriftleg

• førarkort klasse B

 
Personlege eigenskapar

• fagleg trygg og engasjert 

• evne til å ta initiativ og arbeide sjølvstendig

• gode samarbeidsevner og relasjonskompetanse

• strukturert og løysingsorientert

• evne til å inspirere og motivere andre

• likar å jobba i eit til tider hektisk og variert arbeidsmiljø

Vi tilbyr

• ei meiningsfull stilling der du får vere med å utvikle framtidas helsetenester

• eit fagleg sterkt og inkluderande arbeidsmiljø

• mogelegheit for fagleg utvikling og kurs

• god pensjonsordning gjennom KLP

• løn etter gjeldande tariffavtale

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/