100% fast stilling som merkantil ved avdeling for forvaltning og koordinering, Helse og omsorg

100% fast stilling som merkantil konsulent ved avdeling for forvaltning og koordinering, Helse og omsorg.   

Dette er ei spanande stilling med moglegheit til å få innsikt og kunnskap om mange ulike oppgåver i støtteapparatet i Helse og omsorg. Me søkjer deg som har evne og lyst til å gjere ein innsats. 

Du vil ha tett kontakt med avdelings- og verksemdsleiarar i dei ulike verksemdene i Helse og omsorg i heile kommunen. Tidvis oppmøte ved dei ulike verksemdene må påreknast. Arbeidsoppgåver kan variera gjennom året, då einskilde oppgåver er knytt til faste tider på året. 

Avdeling for forvaltning og koordinering innheld tildelingskontor, kreft- og demenskoordinator samt vikarbase i tillegg til merkantil teneste.

Arbeidstid er 37,5 t/veke 

Arbeidsoppgåver: 

• Utføre merkantile oppgåver innan helse- og omsorgstenesta 
• Bistå verksemdene med tilsetjingsprosessar og arbeidsavtalar
• Faktureringsarbeid
• Administrering av sommarvikarar 
• Administrering av bustadar til vikarar 
• Organisering av vaksinasjon
• Andre oppgåver kan koma til

Kvalifikasjonar for stillingane: 

• Fagutdanning innan kontor og administrasjonsfag
• Gode ferdigheiter innan digitale system og tenester
• Kjennskap til fagsystem innan helse og omsorg, samt sakshandsamingssystem er ynskjeleg
• Gode norsk kunnskapar, minimum B2 skriftleg og muntleg 
• Sertifikat klasse B  

Personlege eigenskapar: 

• Gode kommunikasjons- og samarbeidsevner
• Sjølvstendig og ansvarleg
• Jobbar strukturert, tek initiativ og har god gjennomføringsevne
• God på relasjonsbygging og bidreg til eit godt arbeidsmiljø
• Fleksibel 
• Personlege eigenskapar vert vektlagt

Me tilbyr: 

• Løn etter hovudtariffavtalen 
• Spanande arbeidsoppgåver og utviklingsmoglegheiter 
• Godt arbeidsmiljø 
• Fleksitid
• Ullensvang kommune har inkluderande arbeidsliv (IA), gode permisjons- og pensjonsvilkår. 

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/