80% vikariat som barne- og ungdomsarbeidar ved Kinsarvik barnehage

Vil du ha verdens viktigste jobb?

Ullensvang kommune har ledig 80% stilling, vikariat som barne- og ungdomsarbeidar/assistent i Kinsarvik barnehage i perioden 11.08.2025 tom 30.01.2026, med høve for forlenging ut barnehageåret.

Kinsarvik barnehage er ein romsleg og flott tre-avdelingsbarnehage som var ny august 2016. Me har gode arbeidsrom til pedagogane, eige pauserom og fleire grupperom med gode høve for å dela opp i leik og anna aktivitet. Ute har me eit stort og innhaldsrikt leikeområde.

Me held til øverst mot Huseskogen, der me har den fantastiske skogen rundt oss på fleire kantar. Me har eige turområde, med ei kjekk hytta der me kan fyra opp i ovnen og laga mat om me vil. Me har fleire gardar rett ved barnehagen, som me ofte besøker for å sjå på sauer, hest og kyr. 

Likar du å jobba med menneske og er glad i å vera ute i naturen i eit aktivt, fleirkulturelt og kreativt arbeidsmiljø, der me jobbar for det beste for barna, er kanskje du den rette?

Me ynskjer oss ein barne- og ungdomsarbeidar som evnar å ta barnas perspektiv, og til å sjå og skapa gode relasjonar med alle barn. I Kinsarvik barnehage  ser me på alle barn, føresette og kollegaer som betydningsfulle og viktige for fellesskapet.

Du må ha evne til refleksjon, gjera vurdering og setja inn tiltak til det beste for barna. Me ynskjer oss barne- og ungdomsarbeiderar med gode samarbeidsevner, som er fleksible og løysningsorienterte. For å få til dette set me gode kommunikasjonsferdigheiter høgt. 

Du er opptatt av kvalitet i barnehagen, og ynskjer å utvikle deg faglig. Du må òg ha evne til å vere med på å utvikle verdiane og læringsmiljøet i barnehagen.

Arbeidsoppgåver:

Som barne- og ungdomsarbeidar har du medansvar for:

• Planlegge og gjennomføre leik og aktivitetar, som fremmer trivsel og utvikling

• Være ein trygg og støttande voksenperson for barna

• Bidra til å skapa eit inkluderande og godt læringsmiljø

• Delta aktivt i det pedagogiske arbeidet og samarbeide med andre

• Ha ansvar for daglegdagse oppgåver og rutiner

• Sjå kvart enkelt barns behov og setta inn tiltak til det beste for barna

Kvalifikasjoner og krav:

• Ynskje om bestått fagbrev for barne- og ungdomsarbeidar. Men andre kan og søka på stillinga.

• Norskkunnskapar tilsvarande nivå A2 i skriftleg framstilling og nivå B1 i leseforståing, lytteforståing og munnleg kommunikasjon jf Lov om barnehager § 27

• Gyldig politiattest må framleggast før tiltreding, jf. Lov om barnehager §30

• Er fagleg engasjert og reflektert over eigen praksis.

• Har evne til å sjå og skapa relasjon til alle barna

• Grunnleggende ferdigheter med bruk av digitale verktøy

Vi tilbyr

• Lønn i hht tariffavtale

• Gode pensjon- og forsikringsavtaler

• Gode utdanningsstipend

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

 Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/