100% vikariat som merkantil konsulent ved avdeling for forvaltning og koordinering, Helse- og omsorg

Ledig 100% vikariat som merkantil konsulent ved Avdeling for forvaltning og koordinering i Helse om omsorg.

Dette er ei spanande stilling med moglegheit for å få innsikt i og kunnskap om mange ulike administrative oppgåver innan helse og omsorg. Me søkjer deg som har evne og lyst til å gjere ein innsats, og som raskt set deg inn i etablerte rutinar.

Avdeling for forvaltning og koordinering omfattar tildelingskontor, koordinerande eining, kreft-/ og demenskoordinator samt vikarbase, i tillegg til merkantil teneste.

Arbeidstid er 37,5 t/veke

Oppstart etter avtale

Arbeidsoppgåver:

• Eigenbetaling/etteroppgjer

• Fakturering

• Andre merkantile oppgåver retta mot Helse og omsorgstenesta

Kvalifikasjonar for stillinga:

• Fagutdanning innan kontor og administrasjonsfag

• Gode ferdigheiter innan digitale system og tenester

• Kjennskap til fagsystem innan helse og omsorg, samt sakshandsamingssystem er ynskjeleg

• Gode norskkunnskaper, minimum B2 skriftleg og muntleg

• Sertifikat klasse B 

Personlege eigenskapar:

• Gode evner til organisering og å skape struktur.

• Evne til god kommunikasjon med brukarar og pårørande

• Evne til samarbeid og til å arbeide sjølvstendig, målretta og strukturert. 

• Søkjar må trivast med ein hektisk arbeidskvardag.

• Fleksibel 

• Personlege eigenskapar vert vektlagt

Vi tilbyr:

• Løn etter hovudtariffavtalen

• Spanande arbeidsoppgåver og utviklingsmoglegheiter

• Godt arbeidsmiljø

• Avtale om køyregodtgjersle 

• Fleksitid

• Ullensvang kommune har inkluderande arbeidsliv (IA), gode permisjons- og pensjonsvilkår.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/