100% stilling som innkjøpsrådgjevar

Ledig stilling som Innkjøpsrådgjevar

Arbeidsstad: Ullensvang rådhus, Odda

100% stilling som innkjøpsrådgjevar ved økonomiavdeling i sentraladministrasjon. Stillinga inneber anskaffelsesfagleg bistand til alle sektorar i kommunen.

Som innkjøpsrådgjevar hos oss får du varierte utfordringar og anledning til å arbeida med et breitt spekter innan offentleg anskaffelse. Du får ansvar for å gjennomføra anskaffelsar av ulik art og kompleksitet på vegne av heile kommunen, og har ein sentral rolle i å sikra effektive, innovative og bærekraftige anskaffelsar. Innkjøpsavdelinga består av 2 rådgjevarar og er organisert under økonomieininga.

Arbeidsoppgåver:

Leia gjennomføring av anskaffelsar - utarbeida konkurransedokument - evaluering av tilbod

Leia og tilrettelegga anskaffelsesprosessen med råd og rettleiing til fagmiljø

Sikra at anskaffelsesprosessar skjer i samsvar med regelverket for offentlege anskaffelsar

Bistå med ulike problemstillingar innan fagfeltet

Støtta innkjøpsprosessar frå idè til driftsfase

Avtalehåndtering

e-handel administrering og rettleiing

Bistå i identifisering og realisering av innsparing og gevinstar i innkjøpsprosessar

Kvalifikasjonskrav:

Høgare utdanning, fortrinnsvis innan økonomi eller juss.

Ved særskilt relevant erfaring innan offentlige anskaffelsar, kan bachelorgrad i rettsvitenskap, eller andre relevante utdanningsretninger innen økonomiske og administrative fag vurderast

Kunnskap om offentlege krav innan samfunnsansvar

Relevant erfaring med offentlige anskaffelsar og kontraktsstyring vil bli vektlagt

Gode digitale ferdigheiter

Personlege eigenskapar:

Gode samarbeidsevner

God formidlingsevne

Du må vere komfortabel med utviklingsarbeid

Me tilbyr:

Varierte arbeidsoppgåver

Spennande arbeid

Lønn etter hovudtariffavtalen

Gode moglegheiter for kompetanseheving med støtte frå kommunen

Fleksibel arbeidstid og gode permisjons- og pensjonsvilkår.

Krav:

Politiattest jfr gjeldande lov

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Om du har fått munnleg melding om at du er tilsett vil du få tilsendt arbeidsavtale. Om du ikkje får e–post i innboksen din, sjekk uønska e-post/søppelpost, eller gå til https://signering.posten.no/