100% stilling som spesialpedagog i Kinsarvik barnehage

Ullensvang kommune har ledig med 100% stilling fast som spesialpedagog i Kinsarvik barnehage frå 11.08.2025. 

Kinsarvik barnehage er ein romsleg og flott tre-avdelingsbarnehage som var ny august 2016. Me har gode arbeidsrom til pedagogane, eige pauserom og fleire grupperom med gode høve for å dela opp i leik og anna aktivitet. Ute har me eit stort og innhaldsrikt leikeområde.

Me held til øverst mot Huseskogen, der me har den fantastiske skogen rundt oss på fleire kantar. Me har eige turområde, med ei kjekk hytta der me kan fyra opp i ovnen og laga mat om me vil. Me har fleire gardar rett ved barnehagen, som me ofte besøker for å sjå på sauer, hest og kyr. 

Likar du å jobba med menneske og er glad i å vera ute i naturen i eit aktivt, fleirkulturelt og kreativt arbeidsmiljø, der me jobbar for det beste for barna, er kanskje du den rette?

Som spesialpedagog har du ansvar for:

• Planlegging og utøving av spesialpedagogisk hjelp til barn

• Utarbeida individuell utviklingsplan og årsrapport

• Kompetanseheving og rettleiing av tilsette i barnehagen

• Samarbeid med foreldre

• Samarbeida med andre faginstansar og delta i ansvarsgrupper

• Sikra ei heilskapstenking i arbeidet rundt barna - både når det gjeld allmennpedagogikk og spesialpedagogikk

• Bidra til systemtenking og iverksetting av tiltak i barnehagen

• Bidra til god kvalitet i det allmennpedagogiske og spesialpedagogiske arbeidet i barnehagen gjennom tidleg innsats, kompetansedeling og rettleiing.

• Samarbeid og deltakelse i nettverk med dei andre spesialpedagogane i kommunen

• Særleg ansvar for språkutvikling og lågterskeltiltak for barn i barnehagen

• Andre pedagogiske oppgåver på avdeling

Kvalifikasjonar og krav:

• Spes.ped: Barnehagelærar med 30 stp i spesialpedagogikk. Dersom det ikkje er kvalifiserte søkjarar vil midlertidig dispensasjon til utdanningskravet verta vurdert jf. Lov om barnehage

• Spesialpedagogstillingane i Ullensvang kommune er organisert direkte inn i barnehagane, og barnehagestyrar er spesialpedagogane sin leiar

• Utdanning som barnehagelærar eller anna tilsvarande høgskuleutdanning.

• Anna relevant kompetanse som fagbrev som barne- og ungdomsarbeidar og evt anna fagskolekompetanse vert vurdert.

• Søkjarar med utanlandske kvalifikasjonar, må vedleggja dokumentasjon på at dei oppfyller kravet om norskferdigheiter i tråd med Barnehagelovens §28.

• Barnehagelærarutdanning, eller tilsvarande jf. Barnehageloven §25

• Søkjarar med utanlandske kvalifikasjonar, må vedleggja dokumentasjon på at dei oppfyller kravet om norskferdigheiter i tråd med Barnehagelovens §28.

• Gyldig politiattest må leggast fram før tiltreding, jf. Løyve om barnehagar §30

• Grunnleggjande ferdigheiter med bruk av digitale verktøy

Personlege eigenskaper:

• Er fagleg engasjert og reflektert over eigen praksis.

• Har fokus på barnets beste og det pedagogiske innhaldet.

• Vera ein motiverande rettleiar for personalet på eigen avdeling.

• Evne til å jobba sjølvstendig og samstundes god på å samarbeida med andre i team

Me tilbyr:

• Lønn i hht tariffavtale

• Gode pensjons- og forsikringsavtalar

• Gode utdanningsstipend

• Vi kan tilby rekrutteringsavtale til barnehagelærere på kr. 30 000,- etter ett år i teneste, og ytterligere kr. 30 000,- etter to år i barnehagen.