Fast stilling som kokk/kokkemedarbeidar - stillingsstorleik 1x 50 % + 1 x 15 % i Omsorgstenesta vest Utneheimen

Fast stilling som kokk/kokkemedarbeidar - stillingsstorleik 1x 50 % + 1 x 15 % i Omsorgstenesta vest Utneheimen

Arbeidsstad: Omsorgstenesta vest Utneheimen

Pleie og omsorg vest er stasjonert på Utne og er ei samordna teneste. Det vil seie at me driftar både sjukeheim, dagtilbod, kjøkken og heimetenester. Sjukeheimen består av 24 plassar, der 6 av dei er

tilrettelagt for personar med demenssjukdom, og 2 er kortidsplassar. I heimetenesta yter me tenester til om lag 75 pasienter.

I Omsorgstenesta vest har me eit godt arbeidsmiljø, med eit fleirkulturelt miljø. Tenestene me utfører er mange og ulike, så me har ein innhaldsrik og spennande arbeidskvardag.
Me er opptatt av at kvar enkelt pasient skal få gode tenester.

På kjøkkenet treng me no to nye kollegaer.
Saman med dei andre kollegaene på kjøkkenet skal du lage og tilberede mat til pasientane på sjukeheimen og nokre pasientar i heimetenesta.
Dersom dette høyres interessant ut, håper me at du søkjer. Ta gjerne kontakt for ein uforpliktende prat.
God opplæring vert gitt .

Arbeidsoppgåver:

• Tilberede frukost, lunsj og kveldsmat
• Lage middag
• Lage mat som er tilpassa pasientane sine behov
• Bake
• Reinhald
• Arbeide etter lokale prosedyrar

Kvalifikasjonskrav:

• Godkjent fagbrev som kokk , ufaglærte kan søkje og verta vurdert
• Erfaring frå arbeid på storkjøkken er ein fordel

Personlege eigenskapar:

• Gode samarbeidsevner
• Endringsdyktig
• Positiv
• Engasjert
• Imøtekomande
• Kreativ

Me tilbyr:

• Varierte arbeidsoppgåver
• Spennande arbeid
• Lønn etter hovudtariffavtalen
• Årsturnus
• Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.

Krav:

• Politiattest jfr gjeldande lov

Sletting av utdanningsgjeld/studielån:

Ullensvang kommune er omfatta av ordninga.
Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000,- kroner av utdanningsgjelda i året frå januar 2026. Du må vera busett i ein av desse
kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp.
Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:

Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast
vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har
oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du
er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/