100% stilling som fagarbeidar i Utne barnehage, vikariat

100% stilling som fagarbeidar i Utne barnehage, vikariat.

Det er ledig vikariat 100% stilling som fagarbeidar i Utne barnehage frå så raskt som mogeleg til 30.04.2026. Andre med interesse for arbeid med barn kan ôg søkja. 

Om arbeidsplassen:

Utne barnehage er ein to-avdelings barnehage på vakre Utne. Me er stolte av høg pedagogtettleik og kvalifiserte tilsette i alle stillingar. Vårt arbeid er prega av kvalitet og eit solid verdigrunnlag som legg grunnlaget for alt me gjer. 

Me har særleg fokus på: 

• Deltakande vaksne i barnas leik
• Sosial kompetanse
• Matglede og gode måltid
• Berekraftig utvikling
• Samarbeid med nærområdet

For å trivast i stillinga er det viktig at du: 

• Er omsorgsfull og har evne til å skape gode relasjonar med barn, foreldre og kollegaer
• Har god relasjonskompetanse og ein løysingsorientert tilnærming
• Er engasjert og bidrar positivt til vårt gode arbeidsmiljø
• Har interesse for barnehagens satsingsområde og ynskjer å bidra til vidare utvikling. 

Ynskte kvalifikasjonar: 

• Fagbrev som barne- og ungdomsarbeidar er ynskjeleg, men andre med interesse for arbeid med barn kan ôg søkja. 
• Erfaring frå arbeid med barn og unge
• Digitale kunnskaper
• Personlege eigenskaper og interesse for faget vert vektlagd

Me tilbyr: 

• Eit inkluderande og godt arbeidsmiljø
• Mogleghet for å jobbe i ein barnehage med høg fagleg standard
• Ein spanande kvardag der du kan gjera ein forskjell i barns liv
• Spanande og interessant arbeid med barn og unge
• Lærerike og varierte arbeidsdagar 
• Løn etter hovudtariffavtale
• Ullensvang kommune har fleksibel arbeidstid og gode permisjons- og pensjonsvilkår.

Krav: 

• Norskkunnskapar tilsvarande nivå A2 i skriftleg framstilling, og nivå B1 i leseforståing, lytteforståing og munnleg kommunikasjon. 
• Krav om politiattest. Gyldig politiattest må leggjast fram før tiltredning jf. Lov om barnehager §30. 

Er du den me leitar etter? Send oss søknaden din!

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.  

I følgje offentleglova § 25 vert det stilt følgjande krav for å få unntak: 

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/